81 susah polatanipun amargi boten mangertos kedah kados pundi. Wonten ing novel
Wedhus Gembel Gunung Merapi ingkang nedahaken bilihh paraga Darmini rumaos bingung ketingal saking pethikan ing andhap.
“Wah, upama awake dhewe keconggah ngopeni Harti kuwi ya luwih utama,” Darmini ngetokake panemune, “Haning, katone awake dhewe ki ya
mung pas-pasan, mangka arep duwe butuh gedhe kanggo nglairake. Piye Mas
?” Wedhus Gembel Gunung Merapi:137. Pethikan menika nyariosaken pepenginanipun Darmini kangge ngopeni Harti
ananging Darmini ugi rumaos bilihh piyambakipun kaliyan Salim mung pas-pasan satemah Darmini kuwur kados pundi leresipun. Ego ndadosaken Darmini rumaos
bingung.
3. Andharan Bab Faktor ingkang Njalari Konflik Psikis Paragatama
Wonten ing Novel Wedhus Gembel Gunung Merapi Anggitanipun Suci
Hadi Suwita Setunggal konflik tuwuh ing pagesangan manungsa mesthi mawon wonten
jalaranipun. Ingkang njalari konflik saged saking faktor eksternal, kadosta saking priyantun sanes utawi lingkungan saha saking faktor internal inggih menika
saking dhirinipun piyambak. Makaten ugi konflik ingkang dipunraosaken paraga Darmini mesthi wonten panyebabipun. Ingkang njalari tuwuhipun konflik tumrap
paraga Darmini badhe kaandharaken ing andhap menika.
a. Salim ingkang Ketingal Beda
Konflik psikis awujud was sumelang dipunraosaken dening Darmini. Was sumelang inggih menika raos kuwatos. Ingkang njalari konflik inggih menika
amargi sikapipun Salim ketingal beda, boten kados biyasanipun. Salim dados kemba wiwit kondur saking griya sakit. Darmini manahipun rumaos boten
82 karuwan kados wonten menapa-menapa tumrap Salim, rumaos was sumelang
menawi Salim kagungan pacar malih wonten Kaliurang. Jalaran menika saged ketingal saking pethikan menika.
“Hem, pancen Mas Salim iku bagus, nyatane dhek samana ya akeh wanita sing ngesir. Nanging, Panjenengane rak wis milih aku ta?” Nggagas
nggon kuwi Darmini tangane ngelus-elus wetenge sing wis gedhe lan sikile sing cilik siji.
“Apa salahku Mas? Kok rasaku ra karuwan gek ana apa? Kenapa saploke bali saka Rumah Sakit Bethesda Panjenengan dadi kemba, Mas? Apa
ana Kaliurang kagungan pacar? Ora bakal Kuwi dudu watakmu. Nanging, banjur
apa salahku lan apa sebabe kok Panjenengan ora kaya sing uwis?” Wedhus Gembel Gunung Merapi:1
Darmini rumaos boten tenang, gelisah kenging menapa Salim dados makaten. Darmini ngantos kuwatos menawi piyambakipun gadhah lepat kaliyan Salim
ananging piyambakipun boten sadhar kaliyan lepatipun. Sikap Salim ingkang beda menika ingkang njalari tuwuhipun konflik was sumelang.
b. Salim Mlebet Griya Sakit
Panyebab sanesipun ingkang njalari Darmini rumaos was sumelang inggih menika nalika Salim mlebet griya sakit amargi pikantuk alangan nalika saweg
makarya ing Kaliurang. Darmini kuwatos babagan kawontenanipun Salim ingkang astanipun kenging samber pisone Mbok Nah. Jalaran menika kaserat
wonten ing pethikan menika. Pranyata mulih saka rumah sakit Pak Marto merlokake mampir
Dongkelan dhisik, sanadyan ngalang tambah ongkos. Mbok Marto lan Darmini ngerti larah-larahe Salim kena alangan kanthi luwih cetha. Mung
kaya apa rupane Pak Duryat lan kahanane, Pak Marto ora ngerti, jalaran emoh niliki. Dikandhani Salim tumindake Pak Duryat marang Mbok Nah,
Pak Marto trima ora weruh wonge. Darmini sing lagi nggagas bojone mung meneng wae. Nanging Mbok Marto sing dhong jalarane tumindake bojone
mung meneng wae. Rasa kuwi cumithak neng ati, jalaran dheweke kepaksa nampa kahanane Mbok Marto kang wis isi.
83 Bengi kuwi Darmini klisikan angel olehe bisa turu. Sanadyan olehe
pisah karo bojone lagi sewengi, rasane wis suwe banget. Wedhus Gembel Gunung Merapi:118.
Pethikan menika nedahaken nalika Pak Marto ingkang tindak dhateng griya sakit rumiyin kondur lajeng nyariosaken kados pundi alangan ingkang
dipunlampahi Salim. Darmini boten nggagas cariyosipun Pak Marto, piyambakipun namung nggagas garwanipun kados pundi kawontenanipun ngantos
sewengi boten saged sare amargi rumaos kuwatos.
c. Menawi Kaluwarganipun Salim boten Sarujuk tumrap Darmini ingkang
