Pangertosan Media Pasinaon Media pasinaon

10 pasinaon piwulangan, kanthi ancas supados proses interaksi komunikasi edukatif antawisipun guru saha siswa saged kalampahan kanthi trep panganggenipun saha trep manpangatipun. Pamanggih saking Latuheru nedahaken bilih media minangka piranti utawi bahan saha cara teknik ingkang dipunginakaken wonten ing pasinaon. Pamanggih kados mekaten kirang trep, amargi cara teknik ingkang dipunginakaken ing pasinaon menika dipunsebut metode pasinaon. Ewadene media pasinaon menika mligi tegesipun minangka piranti saha bahan pasinaon sanes teknik. Wontening piranti-piranti ingkang nyengkuyung pasinaon dipunbetahaken sanget supados proses interaksi komunikasi edukatif saged dipuntindakaken kanthi sae. Maneka warni piranti menika dipunsebutaken wonten ing pamanggih wonten ngandhap menika. Gagne saha Briggs 1975 wonten ing Arsyad 2002: 4, ngandharaken bilih media pasinaon inggih menika pirantos fisik kangge nglantaraken wosipun piwulangan, ingkang antawisipun buku, tape recorder, kaset, video kamera, video recorder, film, slide, foto, gambar, grafik, televisi, saha komputer. Dudutan saking pangertosan media pasinaon miturut Gagne saha Briggs gadhah teges bahan, piranti kanthi wujud buku, tape recorder, kaset, video kamera, video recorder, film, slide, foto, gambar, grafik, televisi, saha komputer, ingkang dipunginakaken ing salebetipun piwulangan. Ancas saking panganggening media inggih menika supados proses pasinaon kalampahan kanthi trep maknanipun saha trep paedahipun. 11 Wontenipun media pasinaon saged maringi pengalaman sinau tumrap siswa satemah ancasipun pasinaon saged kagayuh. Media saged mbiyantu guru kangge ngandharaken materi pasinaon, satemah siswa saged nampi kanthi sae menapa wosipun piwulangan. Cara siswa anggenipun nampi materi pasinaon menika dipunsebut pengalaman. Dadosipun dhasar nemtokaken menapa jinisipun media ingkang badhe dipunginakaken inggih menika pengalaman sinau siswa. Wonten ngandhap menika andharan teori ngengingi bab pengalaman sinau siswa. Teori Kerucut Pengalaman Cone of Experience dening Dale wonten ing Latuheru, 1988:16, ngandharaken bilih pengalaman sinau satunggaling tiyang, 75 dipuntampi saking indera paningal mripat; 13 saking indra pamireng talingan; saha ingkang sanes saking indera sanesipun. Miturut Dale, pengalaman sinau satunggaling tiyang wiwit saking tingkat ingkang nyata pengalaman langsung tumuju dhateng tingkat ingkang abstrak, awujud lambang tembung. Adhedhasar saking teori Kerucut Pengalaman dening Dale, saged dipunpendhet dudutan bilih pengalaman sinau langkung kathah dipuntampi dening indra paningal, inggih menika 75 wondene saking indra pamireng 13 saha ingkang sanes saking indera sanesipun. Kanthi mekaten, konsep media pasinaon interaktif sengkalan wonten ing panaliten menika dipundamel kanthi nggabungaken kalih perangan wau, inggih menika pengalaman sinau ingkang dipuntampi dening indra paningal saha pamireng. 12

b. Jinising Media Pasinaon

Miturut Soeparno 1980: 26-27, media pasinaon saged dipunperang dados mapinten-pinten jinis, inggih menika: 1 Piranti audio inggih menika piranti-piranti ingkang saged ngasilaken swanten. Tuladhanipun kaset kaliyan radio. 2 Piranti visual inggih menika piranti ingkang ngasilaken rupa utawi wujud, ingkang dipunmangertos minangka piranti kangge ngandharaken materi. Piranti visual kaperang dados kalih inggih menika: a Piranti visual kalih dimensi wonten ing bidang ingkang boten transparan, tuladhanipun gambar wonten ing kertas, grafis, diagram, gambar, poster, lan sapanunggalanipun, b Piranti visual kalih dimensi wonten bidang ingkang transparan, tuladhanipun slide. 3 Piranti audio visual inggih menika piranti ingkang saged ngasilaken rupa kaliyan swanten wonten ing salah satunggaling unit. Tuladhanipun film kaliyan televisi. Pamanggihipun Soeparno ing nginggil nedahaken bilih jinisipun media pasinaon wonten tiga, inggih menika audio, visual, saha audio visual. Pramila, media ingkang dipundamel wonten ing panaliten menika kagolong jinis media audio visual. Kagolong media audio visual amargi media pasinaon interaktif sengkalan minangka piranti ingkang saged ngasilaken rupa kaliyan swanten wonten ing salah satunggaling unit. Jinis-jinisipun media miturut Soeparno dipungolongaken adhedhasar cara nampi dening pamiyarsa pangangge media. 13 Ewadene jinis media adhedhasar caranipun nyawisaken kapacak ing teori wonten ngandhap menika. Rusman 2012: 63 ngandharaken bilih wonten jinis sanesipun saking media, inggih menika 1 Kelompok media penyaji media kelompok penyaji kadosta dipunandharaken Donald T. Tosti saha John R. Ball dipungolongaken dados enem jinis, inggih menika: a kelompok sepisan; grafis, bahan cithak, saha gambar diam, b kelompok kaping kalih; media proyeksi diam, c kelompok kaping tiga; media audio, d kelompok kaping sekawan; media gambar hidup film, f kelompok kaping gangsal; media televisi f saha kelompok kaping enem; multimedia. 2 Media objek saha media interaktif adhedhasar komputer. Media objek inggih menika media tigang dimensi ingkang nglantaraken informasi boten kanthi wujud penyajian, ananging lumantar ciri fisikipun piyambak, kadosta ukuranipun, wujudipun, bobotipun, tatanan, werninipun, paedahipun, lsp. Wondene media interaktif adhedhasar komputer inggih menika media ingkang nuntut para siswa kangge berinteraksi kejawi mirsani menapa dene mirengaken. Tuladha media interaktif adhedhasar komputer inggih menika program interaktif salebetipun piwulangan adhedhasar komputer. Miturut Rusman saking maneka warni jinis media wonten nginggil, jinis media ingkang pungkasan inggih menika media saha sumber ingkang paling sae ingkang saged dipunginakaken minangka sumber media komunikasi tumrap piwulangan. Pramila, adhedhasar pamanggih menika media ingkang dipundamel