Prinsip Pamilihing Media Pasinaon

20 Tegesipun inggih menika kedah nggatosaken karakteristikipun siswa ingkang kanthi langsung sesambetan kaliyan pasinaon kadosta kawegigan verbal, visual saha audio, kawegigan persepsi, pengalaman, kapinteran, motivasi, kapribaden, saha katrampilan sosial. Ateges, faktor-faktor kusus ingkang mbiyantu kangge damel pilihan dados langkung mligi satemah media pundi ingkang kedah dipunginakaken. Pamanggihipun Gerlach nedahaken bilih pamilihing media pasinaon kedah nggatosaken karakteristikipun siswa. Pawadanipun faktor-faktor saking siswa ingkang mangaribawani tumrap pasinaon saged dados tetimbangan anggenipun milih media. Andharan prinsip pamilihing media dening Gerlach sipatipun taksih umum. Pamanggih sanes ngengingi prinsip pamilihan media pasinaon ingkang langkung kusus dipunandharaken wonten ing ngandhap menika. Miturut Arsyad 2002: 73-74, prinsip pamilihan media pasinaon inggih menika : 1 Jumbuh kaliyan ancas ingkang badhe dipungayuh. Media dipunpilih adhedhasar tujuan intruksional ingkang sampun katetepakaen saha mengacu tumrap satunggaling utawi gabungan saking kalih utawi tigang ranah kognitif, afektif saha psikomotor. 2 Trep kangge nyengkuyung wosing materi pasinaon ingkang sipatipun fakta, konsep, prinsip utawi generalisasi. 3 Praktis, luwes saha awet. Media ingkang dipunpilih prayoginipun saged dipunginakaken wonten pundi kemawon saha wekdal ingkang boten winates. 21 4 Guru trampil anggenipun ngginakaken. Nilai saha paedah saking media dipuntemtokaken dening guru anggenipun ngginakaken media kasebut. 5 Pengelompokan sasaran, efektifipun media gumantung saking cacahipun audiens. Media kangge kelompok ageng menapa dene kelompok alit. 6 Mutu teknis, ngengingi kualitas tampilan saking media kedah njangkepi sarat teknis tertamtu. Saking andharan wonten ing nginggil, saged dipunmangertos bilih pamilihing media pasinaon kedah adhedhasar kawigegan kognitif, afektif saha psikomotor siswa, jumbuh kaliyan kompetensi dasar, jumbuh kaliyan materi ingkang badhe dipunandharaken, nggatosaken kawontenan saha cacahipun siswa, kualitas medianipun saha saged dipunginakaken wonten pundi kemawon saha wekdal ingkang boten winates. Saking kriteria ingkang dipunandharaken dening ahli menika, pramila dipunmangertos bilih media pasinaon sengkalan sampun kalebet media ingkang sae. Satemah proses piwulangan sengkalan langkung greget saha siswa langkung aktif kanthi wontening media sengkalan.

2. Media Pasinaon Interaktif

Samenika teknologi komputer boten namung dipunginakaken minangka sarana komputasi saha pangolahipun tembung word processor, ananging ugi minangka sarana sinau multimedia ingkang ndadosaken siswa pikantuk seserepan kanthi satunggaling konsep mawi desain saha rekayasa. 22 Geisert 1995: 71 ngandharaken bilih “…. but it usually refers to the combining of several types of media nto a sngle computer application, featuring aspects to which students are easily attracted, such as motion video or digital graphics, ful color, and sound. Pacing and sequencing of the varios media contributions to the presentation are under computer control.” tegesipun multimedia minangka gabungan saking maneka jinis media kadosta motion video utawi gambar digital , warni-warni ingkang narik kawigatosan, saha swanten dhateng satunggaling program komputer, ingkang saged ndadosaken siswa langkung nggatosaken. Perangan cepetipun program saha urutan saking maneka warni unsur media kangge presentasi dipunatur mawi kontrol komputer. Pamanggihipun Geisert nedahaken bilih gabungan saking maneka warni jinis saha unsur media dados satunggaling program komputer kangge presentasi mawi kontrol komputer dipunsebut multimedia. Katrangan bilih multimedia minangka piranti ingkang dipunginakaken mawi kontrol computer tegesipun pangangge media kedah nglampahaken piyambak programipun saha program paring respon dhumateng pangangge. Wontening interaksi kados mekaten ingkang njalari media dipunsebut interaktif. Pamanggih ngengingi media pasinaon interaktif dipunandharaken wonten ing ngandhap menika. Daryanto 2010: 51, ngandharaken bilih media pasinaon interaktif inggih menika satunggaling multimedia kanthi piranti ingkang saged dipunlampahaken dening pangangge media pasinaon, satemah saged ndayani pasinaon dados langkung interaktif. Media pasinaon interaktif saged kadamel mawi kathah program. Wonten ing panaliten menika media pasinaon interaktif sengkalan badhe dipundamel kanthi Program Adobe flash CS5.