6
E. Ancasing Panaliten
Ancasing panaliten menika, inggih menika: 1. Ngandharaken tataran damel media pasinaon interaktif sengkalan sengkalan
kanthi Program Adobe Flash CS 5 kangge siswa SMA SMK kelas XI. 2. Ngandharaken kualitas media pasinaon interaktif sengkalan kanthi Program
Adobe Flash CS5 kangge siswa SMA SMK kelas XI dening Dosen Ahli Media saha Dosen Ahli Materi.
3. Ngandharaken pamanggih guru basa Jawi saha siswa ngengingi media pasinaon interaktif sengkalan kanthi Program Adobe Flash CS5 ingkang
sampun dipundamel.
F. Paedahing Panaliten
Paedah saking panaliten, inggih menika kangge suka wawasan utawi teori tumrap panaliten salajengipun, mliginipun babagan damel media pasinaon
sengkalan. Kejawi mekaten, panaliten menika ugi gadhah paedah kangge guru, siswa saha sekolah, andharanipun kados wonten ing ngandhap menika.
1. Paedah kangge guru a Media pasinaon menika saged dipunangge dados pirantos kangge mbiyantu
ngandharaken materi sengkalan. b Media pasinaon menika saged nambah alternatif media pasinaon wonten ing
piwulangan basa Jawi mliginipun materi sengkalan.
7
2. Paedah kangge siswa 1 Media pasinaon menika kangge nambah greget siswa anggenipun nyinau basa
Jawi mliginipun bab sengkalan. 2 Media pasinaon menika kangge nambah sipat mandhiri siswa wonten ing
piwulangan basa Jawi.
3. Paedah kangge sekolah Media pasinaon menika minangka media ingkang kreatif saha inovatif
satemah saged ningkataken mutu pendhidhikan wonten ing sekolah kasebat, mliginipun ngengingi pasinaon basa Jawi.
G. Pangertosan
1. Media pasinaon Media pasinaon inggih menika pirantos ingkang dipunangge wonten
proses piwulangan. Media pasinaon anggadhahi ancas supados siswa langkung gampil nampi materi ingkang dipunandharaken dening guru.
2. Media Pasinaon Interaktif Miturut Daryanto 2010: 51, media pasinaon interaktif inggih menika
satunggaling multimedia kanthi piranti ingkang saged dipunlampahaken dening pangangge media pasinaon satemah saged ndayani pasinaon interaktif.