ieu carita leuwih kompléks sabab patali jeung kaayaan ékonomi, salingkuh, sarta harga diri lalaki jeung awéwé.
Ieu di handap mangrupa sawatara cutatan anu ngébréhkeun téma kamanusaan kalawan konsép cinta dina kulawarga.
Geus katempo ti mimiti manéhna balaka yén pagawéanana macét ku lantaran bangkrut téh ngariukna beungeut Ratna bet matak
nyentug kana haténa… 613 “Cik atuh Rat, sakalieun teu aya keur Ratna mah kumaha wé
carana. Ulah nyiksa manéh kitu, akang teu téga” 628
“Bilih teu uninga tuang rayi anu jenengan Ratna téh parantos ngalambangsari sareng Diréktur Pausahaanana, dununganan, nya
éta salaki abdi” 681 “Kumaha mun akang teu suka? Tapi akang moal nyerahkeun da
gedé duriat ka Ratna.” 723 “Ratna ulah kacida teuing ngahinakeun akang ku cara sarupa kitu.
Akang lalaki, sanajan euweuh gawé, akang teu hayang ngajual talak ka pamajikan.” 742
Tina sawatara cutatan di luhur, kitten yén téma kamanusaan diébréhkeun ngaliwatan paguneman langsung antarpalaku jeung ngaliwatan
narasi ti pangarang.
b. Fakta Carita 1 Galur
a Dumasar Runtuyan Waktu
Dumasar kana runtuyan waktuna, ieu carpon GT-06 ngagunakeun galur campuran. Ieu galur matalikeun mangsa “ka tukang” jeung waktu
“kiwari” anu tuluy lumangsung ti mimiti nepi ka ahir carita.
Ieu carita dimimitian ku munculna palaku Ratna anu sibuk nataharkeun dangdanana lantaran rék aya acara di kantor, sarta tuluy aya
nu néang maké mobil A. Sanggeus Ratna indit, Ilham ngalamun nginget- nginget kajadian-kajadian anu geus disorang ku manéhna jeung Ratna. Ti
mimiti maksa Ratna sangkan daék dikawin ku manéhna, boga anak tilu, nepi ka bangkrutna pausahaan tempat Ilham digawé. Ieu mangrupa téhnik
flash back D1 anu digunakeun ku pangarang sangkan sangkan eusi carita
bisa diébréhkeun kalawan gembleng. Galur maju ka hiji poé waktu Ilham kadatangan sémah awéwé, pamajikan dunungan Ratna B. Tidinya, galur
maju deui ka mangsa Ratna nembrakeun rusiah salingkuhna nepi ka manéhna paséa rongkah jeung Ratna C. Paséa rongkah ngabalukarkeun
ngamukna Ilham ka Ratna nepi ka manéhna sorangan maéhan manéh D2. Ieu pangrupa hasil akumulasi tina A, B, C, jeung D1 anu miboga
hubungan dalit dina carita. Carita dipungkas ku salametna Ratna sanggeus disiksa ku Ilham. Upama dipolakeun, ieu galur bisa katitén saperti ieu di
handap.
A ---------- D1 ---------- B ---------- C ---------- D2---------- E
b Dumasar Kritéria Jumlah
Ditilik tina kritéria jumlah galurna, ieu carpon ngan miboga hiji galur tunggal. Ieu hal lantaran galur caritana diébréhkeun ku cara
némbongkeun palaku Ilham jeung Ratna anu sacara dominan aya dina ieu carpon.
c Dumasar Kritéria Kepadatan
Ditilik tina padet henteuna, ieu galur kaasup kana galur anu anggang. Ieu galur, midangkeun caritana sacara kendor sarta hubungan
antarkajadianna ogé teu dalit. Pangarang kawilang anca dina nembrakkeun runtuyan carita. Kajadian-kajadian anu diébréhkeun dina galur flash back
ogé teu kabéh miboga hubungan anu sacara langsung kana eusi carita mangsa kiwari. Sanajan kitu, kajadian-kajadian anu anggang éta,
diakumulasi jadi hiji pasualan gedé anu ngabalukarkeun konflik dina ieu carita.