b. Fakta Carita 1 Galur
a Dumasar Runtuyan Waktu
Dumasar kana runtuyan waktuna, ieu carpon GT-15 ngagunakeun g
alur campuran. Ieu galur matalikeun mangsa “ka tukang” jeung waktu “kiwari” anu tuluy lumangsung ti mimiti nepi ka ahir carita.
Ieu carita dimimitian ku gambaran situasi Ine anu keur maca buku bari ngalamun, ngalamunan kaayaan manéhna anu can ditepungkeun jeung
jodona. Tuluy Ati ngajak sangkan Ine daék diramal ku Si India A. Lantaran kasigeung pédah jodona disebut poék, Ine lumpat ngerem manéh.
Salila di jero kamar, pikiranna ngwangwang mangsa-mangsa anu geus kaliwat patali jeung ramalan ngeunaan jodo D1. Ati rumasa geus
ngabalukarkeun bibina nyeri haté, gegedor kana panto bari ngolo, tapi ku Ine teu dibuka B. Ine kalah beuki anteng ngumbar lamunan basa Indung
jeung bapana narékahan ngubaran manéhna ka dukun-dukun kapung D2. Ati anu masih kénéh nungguan di luareun kamar nyebutkeun yén Si India
téh ngabohong, da sabenerna mah lain saperti tadi cenah C. Ineu teu miroséa, kalah ningali buku Palmistry dina rak. manéhna yakin yén Allah
geus nangtukeun nasib pada-pada jalma, upama aya jalma anu nyanyahoanan miheulaan jalan Alloh, tangtu lain kaaasup jalma anu yakin
kana takdir Gusti E. Upama dipolakeun, ieu galur bisa katitén saperti ieu di handap.
A ---------- D1 ---------- B ---------- D2 ---------- C ---------- E
b Dumasar Kritéria Jumlah
Ditilik tina kritéria jumlah galurna, ieu carpon ngan miboga hiji galur tunggal. Ieu hal lantaran galur caritana diébréhkeun ku cara
némbongkeun saurang palaku Ine anu panggih jeung rupa-rupa tukang norah, ti mimiti di Pakistan, Paris, Yogya, nepi ka di imahna sorangan.
c Dumasar Kritéria Kepadatan
Ditilik tina kritéria kepadatanna, ieu carpon miboga galur anu padet. Carita anu dipidangkeun kaasup gancang. Lantaran diébréhkeun ku
palaku utamana sacara langsung, kajadian-kajadian anu ditembrakkeun dina ieu carita miboga hubungan anu dalit jeung inti carita. Palaku Ine anu
ditorah goréng waé ngeunaan jodo, ngabanding-bandingkeun sababaraha cara norah para palmist anu maca gurat dampal leungeun, tétéla hasilna
sarua. Ieu al dalit hubunganna jeung ayana buku Palmistry di Paris minangka sumber élmu norah ngaliwatan dampal leungeun.
d Dumasar Eusi
Dumasar eusina, galur ieu carpon kaasup kana galur peruntungan. Ieu galur patali jeung eusi carita anu karandapan ku palaku utama Ine.
Kajadian-kajadian anu tumiba ka Ine salila sababaraha taun ti mimiti ditorah di Pakistan, Paris, Yogya, nepi ka di imahna sorangan diébréhkeun
sacara langsung ku nu ngarandapanna.
2 Palaku
Dina carpon GT-15, aya 12 urang palaku, nya éta Ati GT-15:1742, Iné GT-15:1753, Emod GT-15:1755, Om Iskandar GT-15:1757,
Palmist GT-15:1812, ahli magic GT-15:1818, Ema GT-15:18110, Bapa
GT-15:18110, ahli kabatinan GT-15:18110, jeung dukun GT-15:1821.
a Dumasar Kalungguhan
Dumasar kana kalungguhanna, Ine mangrupa palaku utama. Ati,Emod,Palmist, Ema, Bapa,ahli kabatinan, jeungdukun mangrupa
palaku anu méré pangrojong kana lumangsungna eusi carita. Sedengkeun Om Iskandar saukur disebut sakali ku palaku Ati, anu nuduhkeun yén
Emod atawa Si India keur aya di imah Om Iskandar.