Tlaten Pangerten Perwatakan Paragatama Lintang wonten ing Novel

Padma. Dheweke mung tumungkul, nyawang jobin. Dumadakan ora ngerti, kudu ngomong kepriye marang mara tuwane wadon kuwi. Nalika Prau Gonjing, 1993: 15 Saking pethikan wonten ing nginggil, watak mutungan saking Lintang ketingal saking pamanggihipun Bu Padma. Id ingkang dipungadhahi Lintang ndadosaken piyambakipun boten purun mirengaken Bu Padma ingkang ndhawuhi Lintang kondur dhateng griyanipun Gino. Lintang tetep mutung boten purun kondur amargi sampun manggihaken celdam wonten ing koperipun Gino. Sipat mutungan ugi ketingal wonten ing pethikan menika. Bu Padma gedheg-gedheg karo ngelus dhadha. Oh, bocah kok kakune ora jamak. Gek sapa ta sing diturun? Wong swargi bapake ki masiya kaku ning ya ora kebangeten kaya kuwi, batine. Nalika Prau Gonjing, 1993: 26. Bu Padma boten ngira menawi Lintang gadhah sipat mutungan, amargi Bu Padma saha swargi Bapakipun Lintang boten wonten ingkang gadhah sipat kados mekaten. Nalika Lintang bibar nampi tilpun saking Gino, ugi ngetingalaken sipat mutungan. Sipat menika saged dipuntingali wonten ing pethikan menika. Klik Tilpun langsung dibanting dening Lintang. Tangise ambrol tanpa bisa dibendung maneh. Tangis merga mangkel. Kurangajar sing lanang kuwi. Dheweke ngakoni salah, nanging isih jual mahal. Mungkin upamaa dipethuk, dheweke isih mikir ping sewu dhisik yen kongkon mulih. Rasa serike isih during mendha. Dheweke isih mbutuhake wektu kang dawa kanggo nglalekake atine sing kebacut rengka iku. Apa maneh iki mung dihubungi liwat tilpun. Huh Aja ngimpi. Aja gembagus dhisik. Ora bakal aku bali lan ngrerepa njaluk diwelasi. Ora bakal najan tanpa priya, aku bisa urip. Arep dakbuktekake Batine Lintang kemrungsung. Mangkele karo sing lanang pancen tekan mbun-bunan. Nalika Prau Gonjing, 1993: 34. Sasampunipun nampi tilpun saking Gino ingkang ndhawuhi Lintang kondur piyambak dhateng griyanipun Gino amargi Gino saweg wonten ing Bali, Lintang dumadakan duka saha mangkel manahipun. Manahipun tetep kaku, boten purun nuruti menapa ingkang dipundhawuhaken dening Gino. Lintang boten badhe kondur, piyambakipun badhe mbuktekaken bilih piyambakipun saged gesang tanpa priya wonten ing sisihipun.

g. Gampil Duka

Duka utawi nesu inggih menika muring Poerwadarminta, 1939: 343. Dados, gampil duka inggih menika gampil nesu utawi muring. Tiyang ingkang gampil duka biyasanipun dipunsebabaken wonten satunggaling perkawis ingkang boten trep kaliyan manahipun, saengga saged ndukani tiyang sanes ingkang dados sumber dukanipun. Sipat gampil duka ingkang dipungadhahi dening Lintang saged ketingal saking pethikan wonten ing ngandhap menika. “Menggalih apa ta Bu?” pitakone Lintang sing mentas saka pawon njupuk lading, weruh ibune sajak lenger-lenger. “Kenapa Ibu mesthi mikirake dheweke?” pitakone Lintang ora seneng. “Wong jenenge wong tuwa, yen anak ana masalah ngene-ngene rak ya meksa mikir.” “Lho, putrane Ibu ki aku apa dheweke?” “Yak owe. Nanging ….. Durung nganti Bu Padma rampung olehe ngomong, wis disaut dening Lintang : “Lha yen putrane Ibu ki aku, mesthine ya aku kang dipikirake. Dudu dheweke. Aku sengit yen Ibu tansah nyebut-nyebut wong siji iku wae.” Nalika Prau Gonjing, 1993: 26 Saking pethikan wonten ing nginggil, watak gampil duka saking Lintang ketingal nalika Bu Padma saweg menggalih Gino. Id ingkang dipungadhahi Lintang ndadosaken Lintang dumadakan duka marang Bu Padma, amargi piyambakipun boten remen menawi Bu Padma menggalih saha nyebat asmanipun Gino.