Wisatikandhèh, lampah 12, pêdhotan 5-7
nadyan tan guna, ing pambudi ywa kongsi, kadalêming pa-, pesthèn kang wèh katrêsan,
3. pan inggih ugi, lalu sungkawèng driya,
ratri taksaka, amba- [73]-lèni goningong, agalibêdan, anèng sasoring wrêksa,
ngong yun minangsa, ananging nora bakit, 4.
wit tinanggulang, dening warana wau, saratri dènnya, ngukih yun mangsa mring wang,
upamanira, kucing andingkik tikus, kèksi wujudnya, nging tan kêni nyikara,
5. wusananira, dupi tatas rahina,
sarpa wisata, nanging sadèrèngira, arka tumambang, ingsun wingwrin umahya,
wandèngsun lungkrah, wit dening kinaèdhan, 6.
ing sarpa kongsi, muput saratri pisan, usyasanira, anindya saking arus,
ciptaning driya, alêng ta pralayaa, lan ginagila, dening sarpa kadyèka,
7. ingsun wisata, sing gèning kanang daya,
sumêdya arsa, tumamèng jalaniddhi, dupi carita-, nira Ken Serah Sadhe,
tèkèng samana, sang dyah manon wus rina, 8.
tumulya kèndêl, ratrinya linajêngkên, aturira mring, Narapati Sèhriyar,
pukulun Sinbad, andumugèkkên kata, lampahanira, pamuwusnya mangkana,
9. Hyang Suksma maksih, dêrwya wêlas maringsun,
rikala arsa, umanjing ing samodra, ngong mulat palwa, mandrawa saking têmbing,
sigra sarosa, ingsun anguwuh-uwuh,
10. sêrban sun rucat, kinarya ngawe-awe,
drapon kèksia, de ta panguwuh ingong, miwah pangawe, pan botên tanpa tuwas,
kirna wong palwa, sami tumonton mringsun, 11.
kapitanira, sigra anglampahakên, banawa alit, mring gèningsun umanggon,
ingong winawa, wusnya praptèng palwa gêng, sakwèh sudagar, lèn janma jro banawa,
12. samya angudi, tanya prawitanira,
dene sun kongsi, umambah nuswa sonya, [74] nulya ngong ngandhar, sakwèhning lêlampahan,
sataming kata, sun gênti kinandhanan, 13.
ring pambêlah sa-, juga wus ragi sêpuh, lamun wus asring, myarsa pawartèng diyu,
ingkang dhadhongka, wontên ing nuswa wau, kwèh kang wus uning, yèn wilku mangsa janma,
14. dadya mêntahan, nguni wèh mêmatêngan,
dene têksaka
53
, ring nuswèka pan kathah, rina singidan, muhung ratri umimba,
sakwèh wong palwa, lalu arsèkanang tyas, 15.
wit ingsun bakit, amingkarani bahya, kathah mangkana, rèh ngong sinidhêp lapya,
dyan sinung bukti, tur surasa sadarum, kapitan dulu, yèn busanèngsun sêbit,
16. wêlas maring wang, sigra masung pisalin,
panganggènira, adan sami umangkat, antara lama, gyan ngong anèng samodra,
lêlanèng nuswa, akathah dèn ampiri, 17.
wusananira, maring pulo Salahat,
53
taksaka
hringku gènira, malap wrêksa candhana, dyan ika ingkang, sring kinarya usada,
sapraptanirèng, nuswa Salahat wau, 18.
nèng palabuhan, sigra nambalang jangkar, para juragan, samya ngêdhunkên barang,
daganganira, arsa sinade tuwin, ing ngurupakên, rikala numêrahkên,
19. gagramènira, kapitan ngundang mring ngong,
pamuwusira, ingsun pan kaunggyanan, barang dagangan, muhung ing sawatara,
ingkang adêrwya, sudagar duk ing nguni, 20.
numpang palwèngwang, rèhning mangke wus lalis, sadarbèkira, arsa ingsun êdoli,
pêpayonira, ayun ingong sungakên, mring liwarisnya, yèn maksih sami urip,