Madurêtna, lampah 12, pêdhotan 5-7

6. de sumarmanya, mangke ingsun wartani, samana ika, tan bakit mingkaraning, bahya kang arsa, pinanggyèngong lan kanca, kêdah sinandhang, kalawan sabaring tyas, 7. nulya numilag, lampah ngong wus ngungkurkên, têmbing samodra, wangwang tumamèng nuswa, hringku amanggya, wowèhan 46 miwah rondhon, ing sawatara, yèku minangka boga, 8. sakuwasèngwang, mamrih angonjot tuwuh, kang wus acêpak, nênggih ing puputira, wit ngong samoa, mung ngarsa-arsa laya, sotaning [66] driya, tan kêni sininglaran, 9. saking mandrawa, ingsun andulu wisma, ingong parani, lawan rowang sadarum, dupi wus cakêt, dumêlinging pangèksi, wismèku apan, pura dahat mahalêp, 10. miwah aruhur, dwaranira winarni, tangkêban kalih, sun grayang nulya mênga, sigra ngong manjing, manon kamar gêng siki, kalawan bangsal, iringing pandhapèku, 11. ingkang sasisih, ngong myat pra tulang janma, atêtumpukkan, sasisihira malih, kwèh sujèn kèksi, pranti akarya opor, ingsun lan kanca, andharodhog tumonton, 12. saking sru payah, tar èpên umadêga, dhèprok ing kisma, katrêsan lir pralaya, antara dangu, andhèprok tan sukarta, aditya surup, ngong samya kawlas asih, 13. tantara dangu, dwaraning kamar mênga, 46 wowohan anindya gumrit, sun mulat janma cêmêng, mijil sing kamar, ingkang umênga wau, warna protbuta, ruhur lir wrêksa kurma, 14. netra mung siki, munggwing madyaning bathuk, rêkta lir wong wa-, dhrasthèng ngarsa apanjang, lungid amrongos, gêngira angungkuli, untuning wajik, lambe ngandhap anggandhul, 15. têkèng pranaja, talinganira mèmpêr, karnaning liman, kongsi nasabi pundhak, kuku ambêngkuk, panjang angkên kukuning, pêksi garudha, dupi ngong lawan rowang, 16. mulat rasêksa, protbuta kang kadyèku, lalu murcita, sampun prasaksat lalis, wusnya samyèngêt, wilênggah nèng pandhapa, ingsun kinênyêp, miwah kanca sawêgung, 17. wusnya tamating, [67] panyawang gya mrêpêki, ingsun rinênggêp, saking cêngêl anulya, ing ngolag-alig, kadi umpamanira, jagal angolag-,-alig sirahing kambing, 18. dupi rasaksa 47 , wus angiling-ngilingi, ngong inguculkên, ciptèngsun wit sing runting, mung kantun tulang, lamun crêma kewala, sakwèhning kanca, agantya dèn ilingi, 19. pratingkahira, kadi winuwus wau, rèhning kapitan, ingkang lêma pribadi, wangwang rinênggêp, kadi ingsun yèn mikut, kukila alit, dyan cinarit ing sujèn, 20. nulya akarya, agni sigra pinanggang, ri wusnya matêng, winawa mring pathika, 47 rasêksa tandya binukti, wusnya nadhah atatya, malih mring bangsal, nendra sru pangoroknya, 21. gumlêgêr kadi, swarèng kêtug ngajrihi, dènira supta, kongsi tumêkèng enjang, ngong lawan rowang, tan angraoskên guling, ing driya tansah, sênig-sênig kewala,

23. Girisa, lampah 16, pêdhotan 8-8

1. byar rasêksa ika tangi, wisata sing ontapura, ingsun sadarum tinilar, dupi lampahing danawa, antara wus ragi têbih, ngong sakanca sambat ngadhuh, mular tan sagêd ngraoskên, duhkaitaning wardaya, 2. pura kèbêkan hudras, miwah pasambat pangadhuh, sanadyan kèh rowang ingsun, mangka mungsuh mung sajuga, inggih dèrèng darbe cipta, angukih madhêming yaksa, ambinas 48 panganiaya, sanadyan tekad mangkana, 3. awrat kalarisanira, kêdah ugi linampahan, nulya ngong gosthi lan kanca, kwèh [68] reka pinanggyèng rêmbug, nging datar ana sajuga, ingkang arsa linaksanan, wêkasan sami amupus, pasrah ing karsèng Hyang Suksma, 4. dyan midêr-midêr nèng nuswa, bukti wowohan lan rondhon, kadi kang sampun kalakyan, sontên umèt pasingidan, ananging samya tan antuk, kinêdah wangsul mring pura, sapraptaning wil umalap, rowang sajuga minangsa, 5. dyan nendra ngorok kongsi byar, anulya malih umêsat, ngong tinilar kadi kang wus, papêsthèn sun lawan kanca, anindya mawèh katrêsan, kwèh rowang arsa anyêgur, 48 Kata ini seharusnya ditulis ambinasa, namun untuk mengejarmemenuhi metrum tembang Girisa lampah 16 pêdhotan 8-8 maka hanya ditulis ambinas. ring samodra andrêpati, cipta alêng matyèng ranu, 6. lawan ngêmasi akanthi, kinaniaya ing ditya, wang atantun-tinantun, nglêkasi kang wus kapêsthi, nulyana kanca sajuga, mituturi nora wênang, janmèku nglalu antaka, anyupêt umur priyangga, 7. marma sayogya binudi, mamrih ninglari rasêksa, awit ta sampun amêsthi, madhêm ing kanca sadarum, akanthi panganiaya, kang karya giris manggragas, ri wusnya mong manggih rèku, sun wahyakkên maring kanca, 8. pamuwusingsun mangkana, andika sanak sadarum, kadi datan kêkilapan, yèn sami pan ing samodra, kwèh wrêksa ywan kita sami, amiturut rêmbugingsun, suwawi akarya gèthèk, ingkang kinira kuwawi, 9. tinunggangan kwèhni 49 kanca, yèn wus rumanti pinrênah, anèng gêgisik kewala, manganti ing mangsanira, kêni ing ngangge kang gêmbêng, sigra samya linaksanan, yèn ane nohaning tingkah, ing- [69]-kang arsa linampahan, 10. mamrih luwar sing raksasa, yoga akèndêl kewala, nèng nuswa ke ngadhang-ngadhang, yèn ane palwa kaèksi, ingkang arsa angêntasa, ngong sakanca sing nuswèki, upama tan lêbdèng karya, gupuh umêsat mring gèthèk, 11. winawa mambah udadi, inggih lêrês nguwatosi, wit saking kirang santosa, nanging ciptaning wardaya, sami-sami manggih taka, alêng pralayèng udaya, lan nèng wadhuking rasêksa, kang wus madhêm kanca kalih, 12. carita manadukara, rêmbug ngong ingkang mangkana, sigra sami karya gindi, sajuga-sajuganira, ingkang kinira kuwawi, winotan janma tatêlu, dan wangsul malih mring pura, ditya tan adangu prapta, 49 kwèhning