Sêkarini Kajian Filologi
ngong nèng pantinira, amindha juragan, sing prajèng Turki, ananging ing mêngko, ran Ha-[4]-run Alrasid, kang kaping sapta,
turas saking Abas, ingkang wus kuncara, dènnya makili, 6.
Panjênêngannya ing, jêng Nabi panutan, marmane sira, padha sun timbali, anèng ngarsaning ngong, wit saking yun wruh,
ing pratelanira, kang dhihin sirèku, wong têlu sapa, kapindho pagene, sira wong katiga, ingkang sajuga,
7. niayèng sonèstri, sawuse anulya, kita tangisi,
ping têlu ayun wrin, paran sumarmanya, sira wong katri, kang sajuga dene, pranajanya kathah, gêgèthèkkira,
nadyan andikèng sri, têtela karêngya, mring kênya katri, 8.
Gyafar inggih ugi, ngambali kang sabda, sinêrêpakên, mring kênya têtiga, Kèn Seherah Sadhe, kèndêl carita,
matur ring narendra, ing mangke sampun byar, bilih pukulun, parêng anglilani, ulun dumugèkkên, cariyos wau,
9. yèn sinarèhakên, madhêming patikbra, sri nata parêng,
wit sru drênging karsa, arsa miyarsakkên, caritanira, Rêtna Sobehidhe, ratrinya kawuwus, Seherah Sadhe,
dumugèkkên kata, turira mangkana, sri naranata, 10.
ri wusnya kênya tri, nir kumêling driya, sing andikèng sri, sigra Sobehidhe, lumaksanèng agnya, ngaturkên kojah,
ya ta ri dêlingnya, sang sri naradipa, cariyos ulun, atyanta karyèram, kadi dèrèng wontên, janma rumêngya,
11. criyos kang ngungkuli, aèng elokira, srênggala èstri,
kang cêmêng karwèka, kadang ulun tunggil [5], yayah lan rena, ing mangke kawula, badhe ngaturakên, sumarmanira,
awarni awarni
6
srênggala, wanita kêkalih, kang nunggil wisma,
6
awarni srênggala, wanita kêkalih, kang nunggil wisma, - adisi kelebihanpenambahan suku kata ataupun kata pada kata awarni.
12. kalawan kawula, sumiwèng ngarsèndra, punika inggih,
sadulur patikbra, atunggil sudarma, nging sanès babu, kang pranajanira, bithêt ran Amine, sajuganira,
mangaran pun Safi, kawula lawanta, pun Sobehidhe, 13.
salalising rama, têtilaranira, barang winaris, mring kadang sadaya, sinami kathahnya, ari Amine,
myang Safi duk sampun, nampèni warisan, nulya awisma, nunggil ibunira, kawula lan antên, kang sipat sona,
14. maksih rêpat nunggil, sawisma lan ibu, suruding rena,
atilar uwang mring, kawula wong katri, nyèwu uwang mas, ulun warujunya, kadang tunggil rena, kang warni sona,
wusnya samya tampi, wêwarisanira, wangwang akrama, 15.
tut wuri priyanya, kawula tinilar, wisma pribadi, tan antara lama, dènnya mawa krama, dyan kakungira,
kadang ulun sêpuh, anyadèni barang, darbèking rabi, pêpajênganira, sigra winawa mring, prajèng Afrika,