Saprêtitala, lampah 17, pêdhotan 6-6-5

sang sri naranata, dahat drêdya mring wang, lèn wong jro pura, 3. miwah wong sakutha, samyasih maringsun, tansah amurih, karya kaharsan ngong, gyan sun adêdunung, nèng pulo wau, nadyan dèrèng lama, tan mantra nênêka, [82] sampun ing nganggêp, wisma nèng nuswèka, nulyana tontonan, ngatase ingsun, 4. pan kalêbu elok, sri manitih wajik, pra abdyandulur, ananging datanpa, mawi sanggawêdhi, nuju sahari, ngong sumiwèng nata, matur atêtanya, ring sang pamasa, paran paduka tan, musthi sanggasiti, andikèng prabu, 5. tan wrin kang winastan, sanggasiti wau, lèn ing nuswèku, datar ana uning, ing anggènirèku, wangwang ngong mentar, mring wismèng undhagi, matag karya kambil, manut têpèngong, ri wusira dadya, sun isèni wulu, ngulêsan crêma, 6. têpining kêkambil, rinancanèng tatur, nulya sun mêsat, mring wismaning pandhe, ngong pradi akarya, kandhali siki, miwah songgawêdhi, manut polaningwang, ri wusnya dadi, sigra ngong saoskên, mring nata sadarum, kambil anulya, 7. tinrapkên ning kuda, titian narpati, ngong pinrih nyoba, nitihi karuhun, wusira mangkana, dyan sri manitih, lalu garjitaning, driya sri narendra, ngong antuk reka, kang mangkana iku, myang dasih nrêpati, para prawara, 8. samya amêminta, kinaryakna kambil, sun tan lênggana, umiringing karsa, akwèh pawèhnira, pisungsung mring ngong, karya kasugihan, kang para pratiwa, sajroning kutha, sami sun karyakkên, kongsi dadya kondhang, pakaryaning ngong, 9. ngong sinuba-suba, rèhning wus akarya, kaharsan katong, nuju ngong sewaka, sang nata ngandika, Sinbad jênêng sun, asih marang sira, lèn pra abdiningwang, apan wus lawan, têpung lawan sira, iya milu drêdya, sun darbe [83] karsa, 10. mring sira ing mêngko, arsa sun wahyakkên, ngong anauri, pukulun paran ta, ingkang dadya karsa, amba cumadhong, lumaksanèng agnya, miwah sêtya tuhu, angèstokakên, wanda ulun sampun, nèng asta paduka, mubarang 60 karsa, 11. sandika lumakwa, sri malih anabda, sirèku arsa, sun pikramèkakên, darapon ywa kita, nêdya sumusuk, mring nagaranira, ata lingira sri, rèhningsun wingwrin, maoni karsanya, ingsun sandikani, dyan ngong kinurên, 12. lan dasihirèstri, jroning kênya pura, endahing warna, kalawan pararta, turas bangsa ruhur, ngong dhinaupkên, ri wusnya luwaran, abogadrawina, ngong nunggil wisma, lawan rabiningwang, tansah asih lulut, nanging ta ingsun, 13. maksih durung marêm, ing kamuktèningwang, nêdya umulih, mring nagri ing Bahdad, samangsanya ane, banawa prapta, wit ngong tana bakit, supe mring prajèngwang, nadyan muktia, nèng nuswa ngamanca, sumêdya tan katrêm, kocap mitrèngsun, 14. têtanggan lan ingwang, rabinira sakit, puwara lalis, sigra ngong manirah, arsa nglayad miwah, asung panglipur, dènnya kapugutan, trêsnanirèng rabi, sapraptaningwang, pinanggih sru orêm, dêling sun mangkana, mugi Hyang Widdhi, 15. rumêksèng andika, saha amanjangna, yuswa andika, mitrèngsun nauri, dhuh paran marganya, sagêda kabul, pamujinta iku, awit daruningsun, mung kantun sajam, ngong nauri sabda, mugi ywa andriya, kang ora-ora, 16. kula amêmuji, ywa kongsi kalakya-[84]-n, cêpak takanta, darapon sagêda, lami amêmitran, lawan andika, tanggèngsun nauri, kita ngong pujèkkên, lami tumuwuh, ngatase wandèngwang, sampun datan kêni, angarsa-arsa, 17. agêsanga lami, kita sumurupa, sahari mangke, 60 Kata ini seharusnya ditulis samubarang, namun untuk mengejarmemenuhi metrum tembang Sapretitala lampah 17 pêdhotan 6-6-5maka hanya ditulis mubarang. ngong tan wun pinêndhêm, lawan rabiningwang, yèku wus dadi, adat kang parwita, ing nuswa puniki, prapta ing mangke, maksih ing ngèstokkên, yèn priya kapatyan, rabinirèku, 18. pinêndhêm uripan, lawan grahanira, yèn laki lalis, pan makatên uga, rabinya kang maksih, urip pinêndhêm, lawan grajanira, kirna wong nuswèki, tan kêni wiyang, angèstokkên adat, kangge salaminya, nimitanira, 19. tana sarananya, mamrih mingkarani, antakanipun, ing sadangunira, ingsun dèn wartani, adat tan kaprah, wèh katrêsaning tyas, wandawa myang mitra-, nira kwèh prapta, samyarsa andulur, pamêndhêming wangke, de kunarpèku, 20. binusanan kadi, duk dadya pangantyan, lèn rinancana, ing sêsotya wangwang, kunarpa dinunung, jroning tabêla, nanging tanpa tutup, wusnya dyan winawa, mring gèn kaluwat, lakinya umiring, wurining tabêla, layon binakta, 21. mring prawata ruhur, sapraptanya hringku, tumulya ana, tutup sela agêng, yèku pan tutuping, sumur ajêro, ri wusnya ngungkaban, tandya kang tabêla, ing ngundhunakên, mring jro pase wau, busanèng kunarpa, tan rinucatan,

29. Prawitalalita, lampah 16, pêdhotan 8-8

1. lakinira kawuwusa, kayuhan lan pra wandawa, ri wusnya mangkana sigra, linêbêtkê-[85]-ning tabêla, datanpa suwala pisan, sarya binaktanan ranu, winadhahan ing cêcuwa, lawan roti sapta iji, 2. dyan linêbêtkên jro sumur, kadi trapira wau, ngudhunkên layoning èstri, wangwang kanang tutup sela, tinumpangkên ing guskara, lalu orêming tyasingwang, tumonton rèh ing pamêtak, janma uripan mangkana, 3. sakwèh kang sami andulur, tan kèksi ruditèng nitya, wit dening wus dadya adat, lan tan tumêmbe andulu, ngong tan kuwawa anandhang, sotèng tyas kêdah umatur, ring sri narendra kang dadya, pamanggyèngsun adat wau, 4. lalu yèn datan sayoga, aturingsun pan mangkana, gusti tan wus gawok ulun, manon adat kang kalakyan, ing nagri paduka nata, de janma kang maksih gêsang, pinêndhêm lawan kunarpa, amba sampun alêlana, 5. mambah praja pintên-pintên, tundhuk lan jinis mawarni, nanging ulun dèrèng nate, wruh adat mêndhêm wong gêsang, mawèh katrêsaning driya, sang nata andikanira, heh Sinbad paran têgêse, aturira kang kadyèku, 6. mungguh adat mêndhêm janma, kang kaya mangkana iku, wus dadi papêsthènira, wong bawah parentah ingsun, upama ta garwaningwang, sang sori lalis karuhun, panjênênganingsun tan wun, pinêndhêm urip-uripan, 7. lan kunarpèng pramèswara, ingong yuga lani wuwus, gusti amba kumapurun, darbe aturing paduka, punapa janma nênêka, kalêbêt ing adat wau, sri nata suka gumuyu, wang-[86]-sulaning pangandika, 8. tamtu bae yèn kalêbu, salire kang laki rabi, anèng nuswa bawah ingsun, tan wanèh kudu ngèstokkên, ing adat kang wus kaprah, sun wangwang lèngsèr sing ngarsa, dahat sungkawa ing driya, miyarsa sabdèng nrêpati, 9. wingwrin sun mangèngêt-èngêt, lamun kongsi karuhunan, pralayaning rabiningsun, tan wun pinêndhêm uripan, sru wèh sênig-sênig ing tyas, paran minangka sarana, ningkiri bahya kadyèka, tan kênora kudu sabar, 10. sumarah karsèng Hyang Widdhi, ewadene samangsanya,