Kilayunedhêng, lampah 22, pêdhotan 5-6-6-5

3. kang dêrwya barang, panêngrannya Sinbad, dupi ngong miyarsa, namèngsun iku, atrês tyasingwang, kapitan sun kênyêp, tan indung ngong dulu, yèku kang nilar, mring sun rikala, ngong nendra nèng nuswa, cakêt lan narmada, tan dèn antèni, tuwin rinuruh, tumulya tinilar, umangkat kewala, duk lagya panggih, 4. lawan kapitan, ngong indung sayèkti, wit lama apisah, lan malihira, wandèng kapitan, sawatara owah, rèhning ngong sinidhêp, sampun ngêmasi, sèstu kapitan, pandung dulu mami, dadya sun atanya, namèng juragan, kang darbe barang, punapa sayêkti, panêngrannya Sinbad, kapitan muwus, 5. inggih mangkana, wastaning sudagar, praptanira saking, praja ing Bahdad, numpang palwèngsun, mring Balsorah nagri, nuju sajugari, rowang ngong mêntas, mring nuswa ayun, umalap udaka, pra tuwin wowohan, kang anyêgêri, Sinbad tumutur, umêntas mring nuswa, wusnya sakèh kanca, wangsul mring [76] palwa, 6. ngong sigra mangkat, tan wrin pisan-pisan, Sinbad maksih kari, anèng nuswèka, dupi angkat ngong, wus antuk kalih jam, sun lan rowang lagya, wikan yèn Sinbad, tan nèng banawa, rikala waktwèku, pracondha manampêk, palwa tan kêni, ngong ingêr nêdya, amangsuli Sinbad, ata 54 sojarnira, kyai kapitan, 7. ingsun tan nauri, yèn makana 55 kita, wus anamtokakên, atmakèng sinbad, 54 kata 55 mangkana kapitan mojar, pan inggih sayêkti, Sinbad wus ngêmasi, ngong malih nabda, kapitan mugi, andika tamatkên, inggih ingsun Sinbad, kang kita tilar, nèng nuswa sonya, panuju asupta, nèng tirah narmada, dupi ngong nglilir, 8. kanca sadarum, barêngan umêntas, tan ana kaèksi, wusnya ngong ngucap, kadya mangkana, kapitan anindya, angênyêp maring sun, Seherah Sadhe, manon wus rina, kèndêl dènnya crita, ratri linajêngkên, turnya mangkana, sri narapati, Sinbad dumugèkkên, dènira carita, nahan lingira, 9. wusnya kapitan, tan samar non ingong, wusana tan indung, ingsun kinayuh, pangucapira, ngong sukur ring Widdhi, de sangsara kita, kang ajalaran, saking sun wus nir, tinulungan dening, Hyang Kang Maha Luhur, lah ta punika, dagangan kita, ingkang tan apêgat, ingsun upakara, lan ngong rawati, 10. salaminira, ingsun kaunggyanan, sabên-sabên kampir, nèng palabuhan, ing sawatara, wus ingsun dhindhali, mangke ngong ngulihkên, sadayanira, pêpayon miwah, antukingsun bathi, nulya ngong tampani, pasrahing barang, saking kapitan, lan sru panrimèng tyas, sing nuswa [77] Salahat, umangkat anjog, 11. nuswa lènira, anangka ngong malap, dêdagangan warna, cêngkèh kêningar, miwah liyanya, sasah ingsun saking, pulwèku 56 umulat, bulus gêng siki, panjang wiyarnya, pamataraningwang, kalih dasa elo, miwah andulu, ane wiyaga, warna kadi biksu, pan adarbe susu, crêmanya atos, 12. asring kinarya, tatamèng crêmèku, ane malih matsya, kaèksi prapta, 56 palwèku warna lir unta, ing wusananira, wusnyantara lama, gyan ngong layaran, nulya anjog ing, nagarèng Balsorah, sing ngriku sumusuk, mring prajèng Bahdad, umawa raja-, brana gung kwèhira, ngong tan wrin pribadi, tandya sung jakat, 13. ardana kathah, maring janma papa, lan tumbas pasitèn, samya gêng- agêng, ri wusnya ênti, Sinbad katanira, lampahan kaping tri, sigra umatag, asung uwang mas, satus maring Inbad, enjing pinrih wangsul, nadhah lèn myarsa, cariyosira, rikala linggaran, kaping caturira, Inbad lan tami, 14. samya umulih, enjingira wangsul, dyan tinawan bukti, wusnya anadhah, Sinbad murwani, amêdhar carita, lêlampahanira, nalika linggar, mambah samodra, kaping caturira, dêlingnya mangkana, ingsun garjita, lan sênênging tyas, ing saulihingwang, lêlana kaping tri, anggagat malih, 15. arsa linggaran, malih anyudagar, tan kuwawa ngampah, kaptining driya, saking yun uning, barang kang dèrèng wruh, sigra ngong anata, sakwèh prakara, kalawan tumbas, barang dêdagangan, kang kinira payu, anèng sasana, kang yun pinara-[78]-n, wangwang ngong umangkat, de sinêdyèng kayun, mring prajèng Pèrsi,

27. Salwa Arini, lampah 21, pêdhotan 7-7-7

1. kwèh nagri kalintangan, wusananira prapta, ring palabuhan siki, anangka nitih palwa, sigra umancal layar, nglintangi palabuhan, pira-pira kwèhnira, myang nuswaning wong Ngindhu, anuju sajugari, pinaraging prahara, sing sru hraking sadaka, kapitan sigra ngatag, 2. anggulung sakwèh layar, angêmpakkên barang rèh, mamrih amingkarani, bêbaya kang dhatêngi, nging sakwèhning pratingkah, tanpa guna sadarum, layar pan samya sêbit, prawasa rowak-rawik, palwa tan kêni ing rèh, sru umijigèng curi, puwaraa drawata, juragan lan pambêlah, 3. kwèh pralayèng udaya, barang dagangan brastha, Rêtna Seherah Sadhe, dupi dènnya carita, têkèng samana kèndêl, awit tumonton wus byar, ratrinya linajêngkên, aturira mangkana, Sinbad lumajwèng kata, atari wuwusnira, arjanèngong lan kanca, juragan lèn pambêlah, 4. sasesaning kang laya, antuk ramon balabag, taman antara dangu, kabuncang dening ngalun, kentas tumibèng nuswa, aku samya manggih, wowohan miwah umbul, mawèh purnaning bayu, ratrinira alêrêb, wontên ing nuswa wau, tan darbe prayojana, saliyanira malih, 5. saking ruditèng nala, kataman ing pataka, ingkang kadya mangkana, nimitanya tan darbe, panyipta kara-kara, wusnya arka tumambang, ingsun sakanca samya, numilag sing gêgisi 57 , tumama maring nuswa, hringku ingsun andulu, wisma [79] kwèh ngong parani, dupi wus tumêkèng don, 6. akathah janma cêmêng, kaèksi amrêpêki, ngong lan kanca kinêpung, nulya sami rinênggêp, dinumkên kancanira, wangwang winawa mulih, mring wisma sowang-sowang, ingsun lan rowang panca, anunggal sapanggènan, sigra inatag lungguh, sinugata abukti, mung warna kêkuluban, 7. rowang sun saking lapya, agaha dènnya nadhah, ngong tan tumutur bukti, nguni wèh angicipi, wit ing tyas songgarunggi, datan antara dangu, kanca kèksi lir wiwal, pamuwusnya maringsun, acalêbang-calêbung, tumulya ngong binoja, sêkul sinungan santên, kanca tan singgan-singgun, 8. natah satuwukira, ngong mung bukti sakêdhik, pamrihnya janma cêmêng, nyugata kêkuluban, drapon owah kang budi, nir rasa kwèhning lêkya, margi mangèngêt-èngêt, pataka kang pinanggih, rèhning wong cêmêng ika, sami amangsa janma, sêdyanya ngong lan kanca, yun minangsa samoa, 57 gêgisik